Уладзімір Арлоў распачынае ў Беластоку цыкл лекцый пра выбітных жанчын у беларускай гісторыі

Першая лекцыя адбудзецца ўжо заўтра.

Беларускі гісторык і пісьменнік Уладзімір Арлоў распачынае ў Беластоку цыкл гістарычных лекцый на тэму – «Жанчыны ў гісторыі Беларусі». Гэта сумесны праект самога аўтара, Цэнтра беларускай культуры ў Беластоку і хаба «Новая зямля», на базе якога яны і будуць праводзіцца, паведамляе «Радыё Рацыя».

Першая лекцыя Уладзіміра Арлова з цыклу «Жанчыны ў гісторыі Беларусі» адбудзецца ўжо заўтра, у чацьвер. У хабе «Новая зямля», што месціцца ў Беластоку па вуліцы Вышынскага 6А. Пачатак а 18:30. Уваход вольны.