28 траўня 2024, aўторак, 22:54
Падтрымайце
сайт
Сім сім,
Хартыя 97!
Рубрыкі

Краіны ЕЗ зафіксавалі рэкордную з пачатку года колькасць нелегалаў, якія спрабавалі прарвацца з тэрыторыі Беларусі

7
Краіны ЕЗ зафіксавалі рэкордную з пачатку года колькасць нелегалаў, якія спрабавалі прарвацца з тэрыторыі Беларусі

У лютым у параўнанні са студзенем актыўнасць нелегалаў узрасла ў 3,8 разы.

Краіны Еўрапейскага Звязу 27 лютага зафіксавалі рэкордную з пачатку 2024 года колькасць нелегалаў, якія спрабавалі прарвацца з тэрыторыі Беларусі, сведчыць штодзённы аналіз паведамленняў пагранічных службаў суседніх дзяржаў, які праводзіцца «Позіркам».

Мінулым днём былі спыненыя 74 спробы незаконнага пранікнення: 68 - у Польшчу, 6 - у Літву. Спакойна было толькі на беларуска-латвійскай мяжы.

Да гэтага ў тройку самых напружаных дзён уваходзілі 26 лютага (30 спроб), 21 лютага (29) і 22 лютага (24).

У лютым у параўнанні са студзенем актыўнасць нелегалаў узрасла ў 3,8 разы: спыненыя 368 спроб за 27 дзён лютага супраць 96 за ўвесь студзень. На літоўскім кірунку мігрантаў стала больш у 6,8 разы (27 супраць 4), на латвійскім - у 10,6 (53 супраць 5), на польскім - у 3,3 (288 супраць 87).

Колькасць дзён, калі не было зарэгістравана ніводнай спробы незаконна трапіць у ЕЗ з беларускай тэрыторыі, у лютым скарацілася да чатырох (1-га, 2-га, 3-га, 5-га). У студзені спакойных дзён было амаль палова - 15 (4-га, 7-га, 8-га, 12-га, 13-га, 16-га, 20-га, 21-га, 23-га, 25-га, 27-31-га).

У 2023 годзе былі зафіксаваныя 42 078 спробаў незаконнай міграцыі праз мяжу Беларусі ў краіны ЕЗ, у тым ліку 3959 - за студзень - люты.

Таксама сачыце за акаўнтамі Charter97.org у сацыяльных сетках