Усплыло негатыўнае наступства ад даручэння Лукашэнкі закупляць для дзяржструктур Geely
11- 28.02.2024, 23:15
- 38,798
![Усплыло негатыўнае наступства ад даручэння Лукашэнкі закупляць для дзяржструктур Geely](https://i.c97.org/ai/554825/aux-head-1688656578-20230706_gelly_360.jpg)
Гэта ўдарыла і па кішэнях падаткааплатнікаў.
Мабыць, самы папулярны сярод беларускіх службоўцаў аўтамабіль Geely прыкладна за год вырас у кошце больш чым на чвэрць. «Зеркало» паглядзела, колькі дзяржструктуры марнуюць на закупы легкавых аўто, і параўнала іх кошт з цэннікамі гадавой даўнасці.
У дваццатых чыслах лютага гэтага года Цэнтр у забеспячэнні дзейнасці бюджэтных арганізацый Берасцейскага раёна закупіў для адной з арганізацый сістэмы адукацыі аўтамабіль Geely EMGRAND за 57,6 тысячы рублёў. Пастаўшчыком выступіць афіцыйны дылер вытворцы гэтых аўто «БелАўтаномія». Роўна такім жа коштам кампанія прапануе гэтую мадэль у раздроб.
Прыкладна ў гэты ж час для Крынкаўскага сельсавета Лёзненскага раёна набылі аналагічнае аўто тым жа коштам.
Больш сціплыя запыты ў Бялыніцкага лясгаса. Ён размясціў заяўку на куплю аўто прыкладным коштам, крыху большым за 36 тысяч рублёў. У гэтым выпадку таксама не пазначаная канкрэтная мадэль аўтамабіля.
Характэрна, што яшчэ ў снежні мінулага года Горацкі раённы цэнтр забеспячэння дзейнасці бюджэтных арганізацый закупіў легкавік Geely за 49,2 тысячы рублёў. Пастаўшчыком быў афіцыйны дылерскі цэнтр «Магілёўмотарс».
![](https://i.c97.org/ai/585527/aux-1709133246-geely_february2024_1.jpg)
За такі кошт набывала дзесяць такіх аўтамабіляў Віцебская гарадская цэнтральная паліклініка ў канцы кастрычніка мінулага года. У гэтым выпадку пастаўшчыком выступаў іншы дылер вытворцы – «ДжыМотарс».
![](https://i.c97.org/ai/585527/aux-1709133246-geely_february2024_1_2.jpg)
Калі зазірнуць крыху глыбей у гісторыю закупаў, можна ўбачыць, што ў снежні 2022 года Старадарожская цэнтральная райлякарня набыла сапраўды такі аўтамабіль наўпрост на заводзе коштам 45,2 тысячы рублёў.
![](https://i.c97.org/ai/585527/aux-1709133247-geely_february2024_3.jpg)
Такім жа коштам гэты аўтамабіль закуплялі дзяржструктуры ў лютым мінулага года. Ва ўсіх выпадках закупы аплачваліся з бюджэту.
Выходзіць, што за год кошт гэтай мадэлі аўта для падаткааплатнікаў вырас на 27,4%.
Нагадаем, у чэрвені мінулага года дыктатар Лукашэнка падпісаў указ, які прадпісвае дзяржаўным органам і арганізацыям закупляць у якасці службовых і спецыяльных легкавых аўтамабіляў аўто вытворчасці «Белджы».
Між тым кіраўніцтва справамі прэзідэнта працягвае закупляць дарагія люксавыя аўто, вырабленыя ў «недружалюбных» краінах.