29 траўня 2024, Серада, 11:16
Падтрымайце
сайт
Сім сім,
Хартыя 97!
Рубрыкі

У Беларусі мяняюць заканадаўства аб занятасці

11
У Беларусі мяняюць заканадаўства аб занятасці

Што ў ім новага?

"Дэпутаты" прынялі ў першым чытанні законапраект "Аб змене законаў аб занятасці насельніцтва". Пра гэта паведамляе прэс-служба "парламента".

Сярод змен, якія ўносяць у заканадаўства, - памер дапамогі ў беспрацоўі будзе фіксаваным. Пры гэтым з'явяцца дадатковыя патрабаванні да яго атрымання. Скароцяць і тэрмін знаходжання ў статусе беспрацоўнага - з 18 да 12 месяцаў.

Як растлумачыла міністарка працы і сацыяльнай абароны Ірына Касцевіч, пры гэтым пашыраны магчымасці для рэгістрацыі грамадзян у якасці беспрацоўных. Цяпер зрабіць гэта можна не толькі па месцы жыхарства, але і па месцы знаходжання, прычым прадугледжана электронная рэгістрацыя ў службе занятасці для атрымання дзяржаўных паслуг у пошуку працы.

Дакумент таксама ўводзіць квоты працоўных месцаў для працаўладкавання інвалідаў. Устанаўліваць іх будуць мясцовыя органы ўлады, улічваючы патрэбнасці рэгіёну.

Пашыраны і пералік катэгорый беспрацоўных, якім даюцца дадатковыя гарантыі ў працаўладкаванні ў лік броні. У яго дадалі тых, каму застаецца 5 гадоў да дасягнення агульнаўстаноўленага пенсійнага ўзросту, а таксама тых, хто пакутуе ад алкагалізму або наркаманіі, але прайшоў медыцынскую рэабілітацыю.

Акрамя таго, узмоцняць кантроль за дзейнасцю агенцтваў працаўладкавання.

Напісаць каментар 11

Таксама сачыце за акаўнтамі Charter97.org у сацыяльных сетках