Жыхароў Берасцейскай вобласці просяць запасацца вадой
1- 28.02.2024, 11:56
- 6,106
![Жыхароў Берасцейскай вобласці просяць запасацца вадой](https://i.c97.org/p/articles/2017/ai-238715-aux-small-20170124_woda_t.jpg)
У чым прычына?
Жыхароў Кобрына просяць запасацца вадой. У гарадской сетцы магчымыя перабоі ў падачы вады, а таксама пагаршэнне яе якасці.
Кобрынскі раённы водаканал паведамляе, што будзе адбывацца "прамыванне сетак халоднага водазабеспячэння". Яно пачнецца а 9-й гадзіне раніцы 29 лютага і працягнецца да 6-й гадзіны раніцы 1 сакавіка. У гэты час знізяць ціск халоднай вады ў гарадской сетцы.
Жыхарам Кобрына абяцаюць падвоз вады "згодна з заяўкамі".