У Парыжы з'явілася велатаксі

Пакуль яно працуе толькі па выходных.

У сталіцы Францыі з'явілася служба велатаксі Heetch Bike. Са сцвярджэння перавозчыка, з яго дапамогай можна перасоўвацца па горадзе на 40% хутчэй і на 20% танней у параўнанні з Uber.

Таксі - гэта электравеласіпед, які цягне за сабой пасажырскую кабінку з лабавым шклом і шкляным дахам. У ёй знаходзяцца сядзенні з падагрэвам. Такім чынам, пасажыры змогуць з камфортам дабірацца да пункта прызначэння нават у дрэннае надвор'е.

Пакуль велатаксі працуе толькі па выходных.

Аўтамабілі - самы неэкалагічны транспартны сродак. Яны "адказныя" за 72% транспартных выкідаў парніковых газаў у Еўропе. Краіны ЕЗ прыдумляюць розныя спосабы заахвоціць людзей менш карыстацца асабістымі аўтамабілямі. Напрыклад, роварным тунэлям у Амстэрдаме надумалі дадаць прыемных гукаў і пахаў, а дацкі горад Фрэдэнсборг раздаў сем'ям на тэст-драйв электравеласіпеды.