18 траўня 2024, Субота, 3:37
Падтрымайце
сайт
Сім сім,
Хартыя 97!
Рубрыкі

Стала вядома, дзякуючы чаму УСУ сталі кожны дзень збіваць самалёты РФ

23
Стала вядома, дзякуючы чаму УСУ сталі кожны дзень збіваць самалёты РФ

«Самалётапад» невыпадковы.

Апошнім часам абаронцы ўкраінскага неба збіваюць усё больш расейскіх знішчальнікаў Су-34 і іншых варожых бартоў. Хутчэй за ўсё, гэта стала магчымым не праз паступленне пэўных тыпаў зенітных ракет, а дзякуючы майстэрству ўкраінскіх падраздзяленняў супрацьпаветранай абароны.

Пра гэта ў эфіры "Эспрэса" сказаў ваенны экспэрт партала Defence Express Іван Кірычэўскі. Ён падкрэсліў, што цяпер пытанне не ў тым, чым менавіта збілі расейскія самалёты, а што гэта ўдалося зрабіць насуперак тым мерам, да якіх звяртаецца вораг, каб супрацьдзейнічаць украінскай СПА.

«Наша СПА навучылася дзейнічаць пад пастаянным прэсінгам супраціўніка ў прыфрантавой зоне і навучылася збіваць расейскія самалёты. Наўрад ці такая інтэнсіўнасць збіцця звязаная з паступленнем тых ці іншых тыпаў зенітных ракет. Хутчэй, гэта ўжо аператыўнае майстэрства нашых супрацьпаветраных сілаў», – адзначыў Кірычэўскі.

Пра тое, што ўкраінскія сілы СПА навучыліся збіваць баявыя самалёты акупантаў, сведчыць цэлы шэраг страчаных ворагам бартоў на працягу аднаго толькі апошняга месяца. А ў аўторак, 27 лютага, у дзень інтэнсіўных баёў ваярам удалося прызямліць два расейскія самалёты Су-34.

Экспэрт таксама выказаў меркаванне, якія тыпы ўзбраення абаронцы неба маглі выкарыстоўваць для гэтага.

“Гэта можа быць Patriot у розных камбінацыях. Нават у рамках праекту FrankenSAM казалі пра розныя заходнія дэталі. Таксама некаторыя нашы структуры заявілі, што ў нас з'явілася "Зорка смерці" пад назвай "комплекс С-200", які мае заяўленую пашпартную далёкасць знішчэння паветраных цэляў да 250 км. Яшчэ ў нас ёсць італьянска-французскія комплексы SAMP/T, якія таксама маюць дастаткова высокую далёкасць знішчэння аэрадынамічных цэляў”, – сказаў ён.

Напісаць каментар 23

Таксама сачыце за акаўнтамі Charter97.org у сацыяльных сетках