Мінскі аэрапорт набірае «таемных пасажыраў»
5- 27.02.2024, 15:29
- 12,768
![Мінскі аэрапорт набірае «таемных пасажыраў»](https://i.c97.org/p/articles/ai-205823-aux-head-20160524_eroport_minsk_t.jpg)
Падрабязнасці.
Нацыянальны аэрапорт Мінск набірае "таемных пасажыраў". Адпаведная праграма маніторынгу якасці паслуг будзе запушчаная з 1 сакавіка. Яе ўдзельнікамі могуць стаць "ініцыятыўныя пасажыры, зацікаўленыя ў падвышэнні якасці сэрвісу".
Для гэтага трэба пакінуць заяўку на сайце аэрапорта. Пры чарговым падарожжы "таемныя пасажыры" атрымаюць чэк-ліст, які трэба будзе запоўніць на працягу 10 дзён з дня пералёту, а таксама прыкласці да яго фатаграфію або копію пасадачнага талона.
"Першыя і найбольш актыўныя ўдзельнікі праграмы "Таемны пасажыр", а таксама ўдзельнікі, якія падрыхтавалі самыя інфарматыўныя справаздачы, будуць вызначацца па выніках работы праграмы і атрымаюць сертыфікаты на бясплатнае абслугоўванне ў бізнэс-зале аэрапорта на пэўны перыяд", - паведамілі ў прэс-службе аэрапорта .