Ізраіль рыхтуе перадачу Украіне унікальнай супрацьракетнай зброі

Для абароны ад паветраных нападаў РФ.

Ізраіль працуе над перадачай Украіне механізмаў ранняга папярэджання аб ракетных ударах і нападах беспілотных апаратаў.

Пра гэта сказаў прадстаўнік Ізраіля ў ААН Гілад Эрдан, паведамляе РБК-Украіна са спасылкай на пасяджэнні Генеральнай Асамблеі ААН.

Ён таксама адзначыў, што ў першы тыдзень пасля пачатку ўварвання Расіі ва Украіну ў лютым 2022 года Ізраіль даслаў Украіне больш за 100 тон гуманітарнага абсталявання. Акрамя таго, "сотні ўкраінцаў атрымалі лячэнне ў ізраільскіх лякарнях і цэнтрах рэабілітацыі".

Акрамя таго, ізраільскі дыпламат заявіў, што Іран пастаўляе Расеі беспілотнікі, якія выкарыстоўваюцца ў канфлікце на тэрыторыі Украіны.