Легкавушка пратараніла рэйсавы аўтобус пад Рагачовым
2- 26.02.2024, 16:58
- 6,408
![Легкавушка пратараніла рэйсавы аўтобус пад Рагачовым](https://i.c97.org/ai/568729/aux-head-1698047554-20231017_gai_360.gif)
Ёсць ахвяры.
Аварыя з удзелам легкавога аўтамабіля і рэйсавага аўтобуса адбылася раніцай у Рагачоўскім раёне. Адзін чалавек загінуў і пяцёра пацярпелі, паведамляе УУС Гомельскага аблвыканкаму.
Блізу 07:00 мужчына за стырном Ford выехаў з Рагачова. Праз некалькі хвілін, паводле папярэдніх звестак, 40-гадовы кіроўца не справіўся з кіраваннем і выехаў на сустрэчную паласу руху. У гэты момант там ехаў рэйсавы аўтобус МАЗ.
Адбылося лабавое сутыкненне, аўтамабіль выкінула ў кювет. Пасажырка легкавушкі атрымала смяротныя траўмы і памерла на месцы ДТЗ, дапамога медыкаў спатрэбілася чатыром пасажырам рэйсавага аўтобуса і кіроўцу Ford.
![](https://i.c97.org/ai/585208/aux-1708955755-avaryya.jpeg)