«На фоне шалёнай негатыўнай рэакцыі»: папулярная курортная краіна выганяе расейцаў

Павінны выехаць у найбліжэйшыя два тыдні.

Шры-Ланка касуе візы для соцень тысяч расейцаў, якія знаходзяцца там, каб пазбегнуць вайны. Як паведамілі ў міграцыйнай службе краіны, грамадзяне РФ павінны выехаць у найбліжэйшыя два тыдні, інфармуе Independent.

Адзначаецца, што паводле афіцыйных звестак, за апошнія два гады пасля пачатку поўнамаштабнай вайны ва Украіне на Шры-Ланку прыбылі крыху больш за 288 000 расейцаў. Дакладная колькасць турыстаў з РФ, якія працягнулі сваё знаходжанне больш за 30-дзённую працягласць турыстычнай візы, застаецца незразумелай.

Паводле інфармацыі міністэрства турызму Шры-Ланкі, яны атрымліваюць скаргі на некаторых расейскіх турыстаў, якія вядуць незарэгістраваны і незаконны бізнэс у паўднёвай частцы краіны.

«Гэта адбылося на фоне шалёнай негатыўнай рэакцыі ў сацыяльных сетках на расейскія прадпрыемствы, якія вядуць палітыку «толькі для белых». ... Гэтыя прадпрыемствы ўключаюць бары, рэстарацыі, водныя тыпы спорту і паслугі па арэндзе транспартных сродкаў», - піша выданне.