Кіраўнік МЗС Польшчы па пунктах разнёс хлусню амбасадара РФ у ААН Небэнзі
34- 24.02.2024, 16:07
- 55,972
![Кіраўнік МЗС Польшчы па пунктах разнёс хлусню амбасадара РФ у ААН Небэнзі](https://i.c97.org/ai/389315/aux-head-1597309590-20202813-sikorski-t.jpg)
Моцнае выступленне Радаслава Сікорскага.
Пасол Расеі ў ААН Васіль Небэнзя выдаў шэраг прапагандысцкіх заяў аб Украіне на пасяджэнні Рады бяспекі арганізацыі. Міністр замежных спраў Польшчы Радаслаў Сікорскі развянчаў кожную хлуслівую тэзу прадстаўніка Масквы.
З ягоных слоў, Небэнзя назваў Украіну «кліентам Захаду», але напраўду ўкраінцы змагаюцца за сваю незалежнасць, а ў Кіеве сядзіць не «кіеўскі рэжым», а дэмакратычна абраная ўлада.
«Ён называе іх «нацыстамі». Аднак прэзідэнт – габрэй, міністр абароны – мусульманін, і ў іх няма палітычных зняволеных. Небэнзя сцвярджае, што Украіна загразла ў карупцыі. Што ж, Аляксей Навальны задакументаваў, наколькі сумленныя і непадкупныя ўлады ў ягонай краіне», – сказаў Сікорскі.
Trzeba przyznać, że przemówienie @sikorskiradek szefa @MSZ_RP na forum Rady Bezpieczeństwa ONZ było czymś czego chyba nie widzieliśmy jeszcze w naszej współczesnej dyplomacji. Ja przynajmniej nie pamiętam takiej akcji w ostatnich latach. Szybka weryfikacja, wypunktowanie,… pic.twitter.com/FJZffLMhK1
— Paweł Żuchowski (@p_zuchowski) February 24, 2024
Ён адзначыў, што РФ абвінавачвае ЗША ў «неакаланіялізме», аднак менавіта Масква заўсёды спрабавала знішчыць Украіну, а былы прэзідэнт Расеі Дзмітрый Мядзведзеў і іншыя прапагандысты пастаянна пагражаюць ядравай вайной, хаця адначасова абвінавачваюць мір у «русафобіі».
«Сказаў, што мы не прымаем інтарэсы бяспекі Расеі. Мы пачалі пераўзбройвацца толькі тады, калі Расея пачала ўрывацца да сваіх суседзяў. Небэнзя нават заявіў, што Польшча напала на Расею падчас Другой сусветнай вайны. Пра што ён гаворыць? СССР напаў на Польшчу разам з нацысцкай Нямеччынай 17 верасня 1939 года. Яны нават правялі агульны парад перамогі 22 верасня», – заявіў дыпламат.
Кіраўнік польскага МЗС нагадаў, што на кожнае ўварванне ў Расею прыпадае 10 яе ўварванняў у іншыя краіны, а таксама падкрэсліў, што ў 2014 годзе ва Украіне адбыўся не «дзяржаўны пераварот», а адхіленне ад улады прэзідэнта Віктара Януковіча дэмакратычна абраным парламентам.
«І, нарэшце, ён кажа, што нібыта Расею ніколі нельга перамагчы. Расея не выйграла Крымскую вайну, не выйграла руска-японскую вайну, не выйграла Першую сусветную вайну, не выйграла бітву за Варшаву. Яна не выйграла ў Афганістане і не выйграла халодную вайну. Але ў гэтым ёсць і пазітыў: пасля кожнай паразы праводзіліся рэформы», – рэзюмаваў міністр.