Топ-прапагандыстка Крамля праспявала песню ўкраінскага гурта «Бумбокс», лідар якой служыць ва УСУ

Мізуліна трапіла ў скандал на сустрэчы з вайсковымі курсантамі РФ.

Кіраўніца расейскай «Лігі бяспечнага інтэрнэту», вядомая крамлёўская прапагандыстка Кацярына Мізуліна падчас сустрэчы з курсантамі Цюменскай вышэйшай ваенна-інжынернай каманднай вучэльні спявала песню «Вахцёрам» украінскага гурта «Бумбокс». Яе лідар Андрэй Хлыўнюк служыць ва УСУ. Пра гэта паведамляе расейскае выданне «ASTRA».

«Разам з курсантамі Цюменскай вышэйшай ваенна-інжынернай каманднай вучэльні Кацярына Мізуліна падпявала песні ўкраінскага гурта "Бумбокс" пад назвай "Вахцёрам"», – сказана ў паведамленні.

Выданне адзначыла, што гэта адна з галоўных песняў у кар'еры гурта «Бумбокс». Так, «Вахцёрам» выйшла ў 2006 годзе і хутка стала хітом у расейскамоўным асяроддзі.

Паводле словаў журналістаў, «Бумбокс» быў вельмі папулярны ў Расеі 2000-х, але пасля анэксіі Крыма ў 2014-м калектыў адмовіўся ад выступаў у Расеі. У 2022 годзе, пасля пачатку поўнамаштабнай вайны, лідар групы «Бумбокс» Андрэй Хлыўнюк пайшоў служыць ва УСУ.

Паведамляецца, што песня «Вахцёрам» расказвае пра праблемы ў стасунках. У ёй шмат дасылак на прыём наркотыкаў.

«Мізуліна пры гэтым рэгулярна скардзіцца ў наглядныя органы на "прапаганду наркотыкаў" у песнях расейскіх музыкаў», – адзначылі журналісты.