Названыя прозвішчы расейскіх афіцэраў, ліквідаваных на збітым А-50

З экіпажу не выжыў ніхто.

Учора над тэрыторыяй Краснадарскага краю РФ быў збіты расейскі самалёт далёкага радыёлакацыйнага выяўлення (ДРЛА) А-50, бартавы нумар – 42, рэгістрацыйны – RF-50610, аэрадром Ахтубінск.

Паводле звестак ГУР, А-50 быў збіты ракетай ЗРК С-200. Пазней у ГУР паведамілі, што з 10 чальцоў экіпажу А-50 не выжыў ніхто.

Расейскае выданне «Дасье шпіёна» першым апублікавала прозвішчы расейскіх афіцэраў, ліквідаваных на борце А-50.

Паводле звестак выдання, экіпаж А-50 выглядаў так:

Баравікоў Валерый, маёр, камандзір;

Рулюк Аляксандр, маёр, штурман;

Чанцаў Міхаіл, маёр;

Васільеў Сяргей, капітан;

Правалаў Аляксандр, старшы лейтэнант;

Хрулёў Зміцер, прапаршчык.

Таксама да гэтага борта прымацаваныя афіцэры Бялоў, Тэльманаў, Салдаткін і Фядосаў. Ці былі яны на борце ў момант катастрофы, пакуль невядома.