15 красавiка 2024, панядзелак, 11:54
Падтрымайце
сайт
Сім сім,
Хартыя 97!
Рубрыкі

У расейскім Ліпецку пасля выбухаў гарыць найбуйнейшы металургічны камбінат

6
У расейскім Ліпецку пасля выбухаў гарыць найбуйнейшы металургічны камбінат

Паведамляецца пра напад беспілотнікаў.

У ноч на 24 лютага на металургічным камбінаце ў расейскім Ліпецку прагрымелі выбухі і ўспыхнуў маштабны пажар.

Пра гэта паведамляюць Mash, Astra і губернатар Ліпецкай вобласці РФ Ігар Артамонаў.

Як паведамляюць сацсеткі, моцны пажар здарыўся на тэрыторыі НЛМК у Ліпецку. Паводле словаў відавочцаў, перад гэтым над горадам прагучала некалькі выбухаў.

Мяркуючы з кадраў, агонь палае проста на тэрыторыі камбіната. Незадоўга да гэтага мясцовыя чулі гукі беспілотнікаў.

Mash дадае, што «Наваліпецкі металургічны камбінат вырабляе сталь з палімерным пакрыццём. У тым ліку для дзяржавы».

Паводле словаў відавочцаў, удар БПЛА прыйшоўся па цэху агламерацыі НЛМК. Гэта можа ўскладніць працу завода мінімум на месяц.

«З відэа бачу, што выбух – дзе цэх агламерацыі і падрыхтоўкі руды», – паведаміў былы супрацоўнік НЛМК.

Паводле інфармацыі «Базы», на НЛМК гарыць адкрыты склад вугалю і ўдар прыйшоўся па коксахімічным цэху, дзе знаходзяцца халадзільныя ўстаноўкі.

Пазней губернатар Ліпецкай вобласці РФ Ігар Артамонаў паведаміў, што «адбылося загаранне ў адным з цэхаў НЛМК. Агонь патушаны, пацярпелых няма. Пагроза выкіду небяспечных рэчываў адсутнічае».

Ён таксама дадаў: «Паводле непацверджанай спецслужбамі інфармацыі прычынай узгарання стала падзенне лётнага апарата. Цяпер гэтую інфармацыю і апублікаваныя ў сацыяльных сетках відэа правяраюць».

Наваліпецкі камбінат вырабляе як мінімум 18% усёй сталі ў Расеі і з'яўляецца ключавым у Групе НЛМК аднаго з найбагацейшых людзей РФ Уладзіміра Лісіна (блізу 80% усёй прадукцыі). НЛМК пастаўляе сталь, сплавы і пракат прадпрыемствам расейскай абаронкі, на якіх вырабляюць балістычныя і крылатыя ракеты. Гэта адно з ключавых прадпрыемстваў стратэгічнай прамысловасці.

Напісаць каментар 6

Таксама сачыце за акаўнтамі Charter97.org у сацыяльных сетках