СМІ: Пад Генічэскам упаў расейскі самалёт Су-34

Ён знік з экранаў радараў пасля пуску ракеты па ўкраінскіх гарадах.

Паводле паведамленняў СМІ, у Генічэскім раёне Херсонскай вобласці ўпаў расейскі самалёт Су-34.

Пра гэта паведамляе «Радыё Свабода».

Як адзначае «Радыё Свабода», «відавочцы публікуюць відэа з месца падзення самалёта».

Паводле непацверджаных звестак, ён быў збіты.

«Крымскі вецер» паведамляе, што расейскі Су-34 пасля пуску ракеты па ўкраінскіх гарадах знік з экранаў радараў. Гэта нібыта адбылося «на вышыні 2000 м над Генічэскім раёнам».

Пасля ў тэлеграм-канале дадалі: «Да месца падзення самалёта паехалі не менш за 4 пажарныя аўтамабілі і машыны хуткай дапамогі».

Нагадаем, 23 лютага Сілы абароны Украіны збілі расейскі самалёт далёкага радыёлакацыйнага выяўлення А-50 з савецкага ЗРК С-200.