ЗША ўвялі санкцыі супраць рэжыму Лукашэнкі
23- 23.02.2024, 18:06
- 32,144
![ЗША ўвялі санкцыі супраць рэжыму Лукашэнкі](https://i.c97.org/ai/436509/aux-head-1631270820-20210910_luka_Getty_Images_360.jpg)
У спіс трапілі два беларусы і завод у Баранавічах.
Двое беларусаў і адзін айчынны завод патрапілі пад новыя санкцыі ЗША, уведзеныя ў сувязі з вайной Расеі супраць Украіны і смерцю расейскага апазіцыянера Аляксея Навальнага.
Як піша zerkalo.io, пад абмежаванні патрапілі 558 Авіяцыйны рамонтны завод (Баранавічы) і яго кіраўнік Павел Пінігін - за садзейнічанне расейскаму вайскова-прамысловаму комплексу, а таксама праўладны грамадскі Аляксей Талай.
«Мы ўскладняем для Расеі закуп тавараў, неабходных для стварэння жаданай ёй зброі. Гэта ўключае ў сябе ўвядзенне санкцый супраць кампаній у Расеі і, што немалаважна, у трэціх краінах, якія падтрымліваюць расейскі вайскова-прамысловы комплекс», – заявіў намеснік міністра фінансаў ЗША Уолі Адэема.
Акрамя таго санкцыі ўвялі супраць амбасадара Расеі ў Беларусі Барыса Грызлова і дзяржсакратара Саюзнай дзяржавы Дзмітрыя Мезенцава.
Агулам новыя абмежаванні ЗША закранулі 100 кампаній і амаль 500 аб'ектаў. Сярод іх некаторыя расейскія банкі, аплатная сістэма «Мір», абаронныя прадпрыемствы і замежныя кампаніі, якія дапамагаюць перадаваць тэхналогіі і абсталяванне для расейскага ВПК.