Лукашысты зладзілі «хапун» у Петрыкаве і Жыткавічах
7- 23.02.2024, 15:24
- 12,308
![Лукашысты зладзілі «хапун» у Петрыкаве і Жыткавічах](https://i.c97.org/ai/425360/aux-main-1623225941-20210609_ment_bel_360.jpg)
Затрымана сама меней шасцёра мясцовых жыхароў.
Сілавікі зрабілі справаздачу аб рэйдзе «з падраздзяленнем спецыяльнага прызначэння «Буран» у Петрыкаве і Жыткавічах.
«Падчас адпрацоўкі выяўлены персанажы, якія грэбуюць арт. 19.11 (Распаўсюджванне, выраб, захоўванне, перавозка інфармацыйнай прадукцыі) КоАП, а таксама арт. 130 (Распальванне расавай, нацыянальнай, рэлігійнай або іншай сацыяльнай варожасці або варожасці), арт. 368 (Знявага Аляксандра Лукашэнкі) і арт. 342 (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) КК Беларусі», — гаворыцца ў паведамленні ГУБАЗіК.
Мяркуючы з апублікаванага відэа, затрымана сама меней шасцёра мясцовых жыхароў. Нехта з іх прызнаўся ў падпісцы на «экстрэмісцкія паблікі», нехта прызнаўся ў няўхвальных выказваннях пра Аляксандра Лукашэнку.