Названы найлепшы футбаліст Беларусі-2024

Яго трансферны кошт складае адзін мільён еўраў.

Беларуская федэрацыя футбола правяла традыцыйнае апытанне сярод трэнераў, суддзяў, журналістаў, экспертаў і капітанаў футбольных каманд краіны і вызначыла найлепшага футбаліста Беларусі-2024. Ім стаў брамнік менскага «Дынама» Фёдар Лапавухаў, пішуць «Минск-новости».

21-гадовы галкіпер правёў 19 «сухіх» матчаў у чэмпіянаце з 30 гульняў і дапамог менскаму «Дынама» другі раз запар стаць чэмпіёнам краіны. Таксама дзякуючы гульні Лапавухава яго клуб выйшаў у групавы этап Лігі канферэнцый УЕФА.

За ўсю гісторыю суверэннай Беларусі толькі чатыры брамнікі раней атрымлівалі званне найлепшага футбаліста. Гэта Юрый Курбыка (1991), Генадзь Туміловіч (2001), Юрый Жаўноў (2010) і Аляксандр Гутар (2011).

Дарэчы, трансферны кошт Лапавухава - паводле версіі партала Transfermarkt - складае адзін мільён еўраў. Гэта самы дарагі гулец Вышэйшай лігі чэмпіянату Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]