У Чэхію перастала паступаць расейская нафта
2- 4.12.2024, 18:24
- 5,570
Пасля магчымай дыверсіі на трубаправодзе «Дружба».
Чэхія нечакана перастала атрымліваць нафту па трубаправодзе з Расtі. На днях на яго польскім адцінку адбылася аварыя, але не на той галінцы, што забяспечвае Чэхію, Вугоршчыну і Славаччыну, якія на дазвол Еўракамісіі працягваюць імпартаваць паліва з Расеі. Гэта здарылася на фоне «ашаламляльнага росту» спроб расейскай выведкі дэстабілізаваць сітуацыю ў Еўропе.
Нафта з нафтаправода «Дружба» спыніла паступаць у Чэхію, распавёў Павел Кайдл, прадстаўнік нафтаперапрацоўчай кампаніі Orlen Unipetrol, мясцовай газеце Ceske Noviny. Паводле звестак дзяржаўнага аператара трубаправода Mero, забеспячэнню краіны нафтай гэта не пагражае, бо яна здольная павялічыць перапампоўванне з захаду - з Нямеччыны і Італіі.
Аднак у якасці прэвентыўнага захаду ўрад рыхтуецца ўхваліць выдзяленне для Orlen Unipetrol нафты з рэзерваў у выпадку магчымых перабояў, паведаміў у сетцы X міністр прамысловасці і гандлю Лукаш Влчак. «Нафта да нас па нафтаправодзе «Дружба» на гэты момант не паступае. Пагрозы дэфіцыту для патрэб насельніцтва і кампаній няма, бо пастаўкі па італійскім трубаправодзе TAL стабільна працягваюцца», - адзначыў ён.
«Дружба» - найбуйнейшы расейскі трубаправод, які забяспечвае пастаўкі нафты ў Еўропу. У Беларусі ён падзяляецца на дзве галінкі. Паўночная ідзе ў Польшчу і Нямеччыну, і па ёй праз уведзеныя Еўразвязам санкцыі расейская нафта больш не пастаўляецца, яе ў пачатку 2023 г. замяніла казахстанская. Паўднёвая галінка ідзе праз Украіну ў Вугоршчыну, Славаччыну і Чэхію; хоць ЕЗ пастараўся адмовіцца ад расейскай нафты, гэтыя краіны атрымалі часовы, хоць і не абмежаваны канкрэтным тэрмінам дазвол працягваць яе закупы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
