Беларускую выцінанку ўключылі ў спіс нематэрыяльнай культурнай спадчыны ЮНЭСКА

Гэта ўжо шосты беларускі элемент у спісе нематэрыяльнай спадчыны чалавецтва.

Выцінанка - традыцыйнае мастацтва выразання з паперы, шырока распаўсюджанае ў Беларусі. Рамяство ўзнікла яшчэ ў XVI стагоддзі, зараз яно зноў становіцца папулярным, піша «Наша Ніва».

Выцінанку выкарыстоўваюць пры афармленні дамоў і офісаў, у дэкарацыях у тэатры, а таксама ў карцінах і адзенні. Большасць майстроў прытрымліваюцца традыцыйных тэхнік і формаў, выкарыстоўваючы разнастайныя метады выразання - ад стварэння простых сіметрычных кампазіцый нажніцамі да камбінавання складаных элементаў з дапамогай нажніц і разца.

У беларускай заяўцы ў ЮНЭСКА гаварылася, што асваенне мясцовых традыцый выцінанкі садзейнічае фармаванню пачуцця ідэнтычнасці і захаванню народнай культуры. Выцінанка спрыяе дыялогу як унутры супольнасці рамеснікаў, так і за яго межамі. Майстры дэманструюць свае здольнасці і крэатыўныя тэхнікі на розных фэстах, выставах і кірмашах, а сем'і выкарыстоўваюць гэтае мастацтва як сродак творчага самавыяўлення, перадаючы практыку з пакалення ў пакаленне.

Выцінанка таксама перадаецца праз фармальную і нефармальную адукацыю. Як метад арт-тэрапіі, яна спрыяе развіццю дробнай маторыкі і стымулюе творчае мысленне. Часта гэтае мастацтва выкладаюць людзям з фізічнымі або псіхічнымі абмежаваннямі, што спрыяе іх рэабілітацыі і творчаму развіццю.

Разгледзеўшы заяўку, Міжурадавы камітэт аховы нематэрыяльнай культурнай спадчыны ЮНЭСКА пастанавіў уключыць выцінанку ў спіс нематэрыяльнай культурнай спадчыны чалавецтва.

Гэта ўжо шосты беларускі элемент у вялікім рэпрэзентатыўным спісе: раней у яго былі ўключаныя святочны калядны абрад «Калядныя цары» ў вёсцы Семежаве (Капыльскі раён, Менская вобласць); «Урачыстасць у гонар шанавання Абраза Маці Божай Будслаўскай (Будслаўскі фэст)» у вёсцы Будславе (Мядзельскі раён, Менская вобласць); «Юраўскі карагод» у вёсцы Пагосце Жыткавіцкага раёна Гомельскай вобласці; Культура бортніцтва; «Саломапляценне Беларусі: мастацтва, рамяство, уменні».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]