У Менску судзяць генеральнага дырэктара БелАЗа

Кіраўнік знік у снежні 2023 года, а потым апынуўся ў СІЗА КДБ.

У судзе Ленінскага раёна Менска пачынаецца працэс над 45-гадовым былым генеральным дырэктарам БелАЗа Сяргеем Нікіфаровічам, паведамляе «Наша Ніва».

Кіраўнік аднаго з найбуйнейшых прадпрыемстваў краіны быў арыштаваны год таму, у снежні 2023 года. Характэрна, што інфармацыю аб ягоным затрыманні тады распаўсюдзілі толькі недзяржаўныя медыя. Для дзяржаўных прапагандыстаў Нікіфаравіч нібыта проста знік - пра тое, што чалавека з кадравага рэзерву Лукашэнкі падазраюць у карупцыі, лепш не ўспамінаць.

Сяргея Нікіфаравіча судзяць паводле ч. 3 арт. 430 Крымінальнага кодэкса - атрыманне хабару ў асабліва буйным памеры (або арганізаванай групай, або службовай асобай) Яму пагражае ад 5 да 15 гадоў калоніі.

Суўдзельнікаў у Нікіфаровіча двое.

Юрый Шустэр працаваў начальнікам бюро пакупнога інструмента інструментальна-штамповачнай вытворчасці БелАЗа.

«На БелАЗе я працую ўжо вельмі даўно, з 1983 года. Планы я ўжо асабліва не сную, праз два гады на пенсію іду. Чым займацца буду на пенсіі? Адпачываць буду. Я і зараз кожны выходны куды-небудзь еду, бо ў Беларусі столькі добрых месцаў!», - казаў у 2022 годзе Шустэр у інтэрв'ю тэлеграм-каналу БелАЗа. Замест пенсіі ён апынуўся за кратамі.

Асоба яшчэ аднаго фігуранта справы выклікае здзіўленне. Гэта Андрэй Аляксандравіч Даронін. Чалавек з такім імем быў намеснікам гендырэктара БелАЗа да 2017 года.

Тады Дароніна арыштавалі за карупцыю і асудзілі на 7,5 гады зняволення. у сярэдзіне 2010-х? Адказаў на гэтыя пытанні пакуль няма. Пра далейшы ягоны лёс нічога не вядома. Калі ён вызваліўся? Ці змог зноў уладкавацца на БелАЗ? Ці абвінавачваюцца Нікіфаровіча і Шустэра ў карупцыі за той перыяд, калі яны працавалі разам з Дароніным у сярэдзіне 2010-х? Адказаў на гэтыя пытанні пакуль няма.

Сам Сяргей Нікіфаровіч, як і большасць топ-мэнэджараў БелАЗа, працоўную кар'еру пачынаў на прадпрыемстве. У 2015-2017 яго перавялі ў Жодзінскі гарвыканкам. Пасля перайшоў у пінскі «Кузлітмаш», які ўваходзіць у холдынг БелАЗа — спачатку працаваў там намеснікам дырэктара, а пазней узначаліў прадпрыемства. А ў выніку ў верасні 2020 года Нікіфаровіч вярнуўся ў БелАЗ генеральным дырэктарам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]