«Трэба моцна пастарацца»: авіяэкспэрт растлумачыў, як расейцы зблыталі самалёт з дронам
11- 30.12.2024, 17:30
- 12,052
Да экіпажа СПА РФ ёсць пытанні.
Інцыдэнт з азербайджанскім самалётам у Грозным паказаў, што да кіравання сістэмамі СПА дапусцілі зусім ненавучаны экіпаж, які нават не здольны правільна ідэнтыфікаваць мэту. Пра гэта ў інтэрв'ю «Украінскаму Радыё» расказаў авіяэкспэрт Багдан Далінцэ.
Ён акцэнтаваў, што расейцы забаранілі азербайджанскаму самалёту пасадку не толькі ў Грозным, але і ў шэрагу іншых расейскіх аэрапортаў. Больш за тое, нават пасля таго, як ужо было зразумела, што яны падбілі пасажырскі самалёт зенітнай ракетай, расейцы не проста не надалі яму ніякай дапамогі, але і працягвалі глушыць працу яго сістэм навігацыі і сувязі на працягу значнай часткі палёту ў Казахстан. На думку Далінцы, гэта ўскладняла экіпажу магчымасці бяспечна дабрацца да запаснога аэрадрома.
Аднак галоўнае пытанне: як наогул расейцы ўмудрыліся патрапіць ракетай у пасажырскі самалёт.
«Памер пасажырскага самалёта ў дзясяткі разоў большы, чым у беспілотніка. У сістэмах выяўлення, радарах сістэм супрацьпаветранай абароны гэтыя аб'екты маюць вялікае адрозненне па адбіцці. Гэта значыць пераблытаць такія аб'екты вельмі складана», - адзначае экспэрт.
Далінца акцэнтаваў, што акрамя розніцы ў памерах дроны-камікадзэ і пасажырскія самалёты маюць зусім розныя хуткасць і вышыню палёту, а таксама сам характар маршруту.
«Блытаць палёт беспілотніка, які, як правіла, ляціць на значна меншай вышыні, на меншай хуткасці і па іншых маршрутах, чым цывільныя самалёты, вельмі і вельмі складана. Тут трэба або моцна пастарацца, або фактычна дапусціць да кіравання зенітным комплексам непадрыхтаваны, непрафесійны і ненавучаны персанал», - мяркуе аналітык.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
