Сібіга і Блінкен падпісалі мемарандум аб энэргетычнай падтрымцы Украіны

Дэталі.

У аўторак, 3 снежня, міністр замежных справаў Украіны Андрэй Сібіга і дзяржсакратар ЗША Энтані Блінкен падпісалі ў штаб-кватэры NATO Мемарандум аб узаемаразуменні паміж урадамі краінаў аб супрацоўніцтве ў падтрымцы энэргасістэмы Украіны.

У паведамленні МЗС Украіны гаворыцца, што падпісаны мемарандум прадугледжвае магчымасць амерыканскай дапамогі агульным памерам 825 мільёнаў даляраў ЗША.

Таксама дакумент стварае нарматыўна-прававую базу для паляпшэння ўстойлівасці энэргетычнай сістэмы Украіны. Размова ідзе пра аднаўленне крытычнай інфраструктуры Украіны, увядзенне размеркаванай генерацыі, рэфармаванне энэргетычнага сектару і спрыянне пасляваеннаму пераходу да нізкавугляродзістай, канкурэнтаздольнай і інтэграванай у Еўропу эканоміцы.

Паводле звестак Мінэнэрга, з кастрычніка 2022 года Расея нанесла больш за тысячу ўдараў па аб'ектах украінскай энэргетычнай інфраструктуры, толькі сёлета праз удары было страчана 9 ГВт генеравальных магутнасцяў.

3 снежня ў Брусэлі адбудзецца пасяджэнне Рады Украіна-NATO, а 3–4 снежня – пасяджэнне міністраў замежных справаў краінаў-чальцоў NATO.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]