Беларус, якога затрымалі ў Грузіі, папрасіў аб міжнароднай абароне

У міграцыйнай службе яму прапанавалі выехаць за мяжу.

Беларус Яўген Муравіцкі, якога затрымлівалі ў Грузіі, падаў прашэнне аб міжнароднай абароне. У міграцыйнай службе яму прапанавалі выехаць за мяжу, паведамляе «Радыё Свабода».

25-гадовага беларуса затрымалі 30 лістапада падчас пратэстаў у Тбілісі. У той дзень паліцыя затрымала больш за 100 чалавек. Два дні Муравіцкі правёў у ізалятары. На яго склалі пратакол, абвінаваціўшы ў нібыта «абразе паліцыянта». Сам хлопец зняпраўджваў тое, што абражаў праваахоўнікаў.

3 снежня яго выклікалі на размову ў Дэпартамент міграцыі ў Тбілісі. Размова доўжылася пяць з паловай гадзін. Там ён падаў заяву на міжнародную абарону. Як распавёў беларускі праваабаронца Раман Кісляк, чыноўнікі спачатку не хацелі прымаць заяву і прапаноўвалі зрабіць «візаран» (выехаць за мяжу і ўехаць нанова). На думку Кісляка, пасля гэтага беларуса маглі проста не ўпусціць у краіну ці схапіць па дарозе і вывезці на мяжу.

Напярэдадні Муравіцкага па месцы жыхарства шукалі чатыры чалавекі. Сам хлопец з меркаванняў бяспекі ў кватэры не начаваў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]