Для беларускіх кіроўцаў з'явілася навіна з меддаведкамі

Чыноўнікі анансавалі і іншыя змены.

Міністэрства сувязі і інфарматызацыі расказала пра новаўвядзенне, што закране кіроўцаў, якія праходзяць медкамісію ў Менску. Цяпер ім і тым, хто толькі атрымлівае правы на кіраванне транспартам, не трэба несці ў ДАІ папяровую меддаведку – там будзе яе электронны варыянт.

«Вынікі абследавання (выснова МРЭК) будуць трапляць у базу звестак ДАІ для іх уліку пры прыняцці пастановаў аб выдачы (замене) правоў кіроўцы, – удакладняюць ва ўстанове. – Сэрвіс пакуль пачынае працаваць у Менску і даступны ўсім кліентам 24-й гарадской паліклінікі спецмедаглядаў».

У Міністэрстве сувязі і інфармацызацыі ўдакладняюць, што «Міністэрству аховы здароўя пастаўленая задача распаўсюдзіць гэты сэрвіс на ўсе рэгіёны краіны».

«Запушчаны электронны сэрвіс – частка комплекснай дзяржаўнай паслугі ў абмене, выдачы пасведчання кіроўцы. Для пераводу ў электронны выгляд усіх этапаў гэтай паслугі ў 2025 годзе МУС, Мінабароны і Дзяржкаммаёмасць закончаць праекты аблічбоўкі паслуг на іх баку, – дадаюць у Міністэрстве сувязі і інфармацызацыі. – У выніку ў наступным годзе атрыманне (замена) правоў кіроўцы будзе максімальна пераведзенае ў лічбавы выгляд: ад падачы заявы да атрымання выніку».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]