У Паўднёвай Карэі разбіўся і ўспыхнуў пасажырскі самалёт: 179 чалавек лічацца загінулымі

Двое цудам выратаваліся.

У нядзелю, 29 снежня, у Паўднёвай Карэі пасажырскі самалёт Boeing 737-800 вылецеў за межы ўзлётнай пасадачнай паласы і сутыкнуўся з агароджай у аэрапорце Муан. Пажарныя службы пацвердзілі гібель 96 чалавек, але мяркуюць, што ўсе людзі на борце, акрамя двух выратаваных, загінулі. На гэты момант сталі вядомы новыя падрабязнасці авіякатастрофы.

У самалёце Jeju Air, які ляцеў рэйсам 2216 з Бангкока, было 175 пасажыраў і шэсць чальцоў экіпажа.

Целы ахвяр былі знойдзены ў хваставой частцы самалёта. Колькасць загінулых, магчыма, узрасце.

Двух людзей удалося выратаваць з самалёта ў агні.

"Улады праводзяць расследаванне на месцы, каб вызначыць дакладную прычыну аварыі, а таксама працягваюцца выратавальныя аперацыі", - паведамілі чыноўнікі.

На 8:40 па Менску пажарная служба Карэі, паводле звестак агенцтва Yonhap, ідэнтыфікавала 96 загінулых чалавек. Пры гэтым афіцыйныя асобы мяркуюць, што ўсе, акрамя двух людзей, якіх ужо ўдалося выратаваць - загінулі. Такім чынам, колькасць ахвяр можа вырасці да 179 чалавек.

Большасць пасажыраў былі карэйцамі, за выключэннем двух грамадзян Тайланда.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]