Апазіцыйную прэзідэнтку Грузіі Саламэ Зурабішвілі запрасілі на інаўгурацыю Трампа

Нягледзячы на фармальнае заканчэнне паўнамоцтваў 29 снежня.

Апазіцыйную прэзідэнтку Грузіі Саламэ Зурабішвілі запрасілі на інаўгурацыю новаабранага прэзідэнта ЗША Дональда Трампа. Яна адбудзецца 20 студзеня 2025 года.

Пра гэта паведамляе РБК-Украіна са спасылкай на заяву рэспубліканца Джо Уілсана, які ўзначальвае падкамітэт замежных справаў Палаты прадстаўнікоў.

Ён адзначыў мужнасць Саламэ Зурабішвілі і запрасіў яе на інаўгурацыю Трампа.

«Я глыбока захапляюся яе мужнасцю перад абліччам нападак з боку Іванішвілі і ягоных хаўруснікаў з КПК (Камуністычная партыя Кітая, – рэд.) і іранскага рэжыму», – напісаў Уілсан у X (Twitter).

Інаўгурацыя абранага прэзідэнта ЗША Дональда Трампа адбудзецца 20 студзеня 2025 года ў Вашынгтоне.

Фармальна паўнамоцтвы Саламэ Зурабішвілі скончацца 29 снежня пасля інаўгурацыі Міхаіла Кавелашвілі, якога абралі прэзідэнтам Грузіі сябры «Грузінскай мары». Кавелашвілі не атрымліваў віншаванняў з абраннем ад ЗША і еўрапейскіх краінаў.

Зурабішвілі адмаўляецца складаць паўнамоцтвы да таго часу, пакуль у Грузіі не прызначаць новыя парламенцкія выбары.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]