Шольц: Пуцін пацярпеў паразу ва Украіне паводле ўсіх пунктаў

Ягоныя спробы аслабіць NATO закончыліся крахам.

Расейскі дыктатар Уладзімір Пуцін пацярпеў паразу ва Украіне і не дасягнуў сваіх мэтаў. Ягоныя спробы аслабіць NATO закончыліся крахам.

Пра гэта заявіў нямецкі канцлер Олаф Шольц, паведамляе t-online.

Шольц адзначыў, што расейскі дыктатар пацярпеў паразу ва Украіне паводле ўсіх пунктаў.

«Ён хацеў падпарадкаваць усю Украіну і ўсталяваць марыянетачны рэжым, ён хацеў прадухіліць далейшае збліжэнне з ЕЗ і саслабіць увесь NATO», – сказаў канцлер.

Затое, паводле словаў Шольца, атрымалася не так, як планаваў Пуцін.

«І сёння: NATO мае двух новых чальцоў – Швэцыю і Фінляндыю. Усе яны масава інвестуюць у сваю абароназдольнасць, і амаль усе краіны NATO дасягнулі мэтавага паказніка два адсоткі. Украіна з'яўляецца кансалідаванай нацыяй і знаходзіцца на шляху да ўступлення ў Еўрапейскі Звяз. Яна мае моцнае войска, аснашчанае намі, якое гераічна абараняецца ад войскаў Пуціна», – падкрэсліў ён.

У той самы час Шольц адзначыў, што цяпер задача ў тым, каб стварыць аснову для справядлівага і ўстойлівага міру ва Украіне.

Канцлер таксама дадаў, што гатовы яшчэ раз патэлефанаваць Пуціну і расказаў, што падчас папярэдняй размовы абяцаў дыктатару, што Еўропа не перастане падтрымліваць Украіну.

«Так, пагаварыў бы... Я даў яму зразумець, што ён не можа спадзявацца, што наша падтрымка Украіны зменшыцца», – сказаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]