Ва Украіне беларуская мова застанецца ў ліку тых, якія маюць патрэбу ў ахове

Расейскую мову са спісу выключаць.

Украіна захавае беларускую мову ў пераліку моў, якія маюць патрэбу ў падтрымцы і ахове. Пра гэта гаворыцца ў паведамленні прадстаўніка Кабінета Міністраў Украіны ў Вярхоўнай Радзе Тараса Мельнічука.

У сваім Telegram-канале палітык паведаміў, што праект Закона "Аб унясенні змен у некаторыя законы Украіны ў сувязі з абнаўленнем афіцыйнага перакладу Еўрапейскай хартыі рэгіянальных або мінарытарных моў" абнаўляе пералік моў, у дачыненні да якіх ужываецца рэжым падтрымкі і асобнай аховы. Але беларуская мова ў ёй застаецца.

"Прапануецца ўстанавіць, што ва Украіне прынцыпы Хартыі будуць ужывацца да такіх моў: беларуская, а таксама балгарская, гагаузская, крымска-татарская, навагрэцкая, нямецкая, польская, румынская, славацкая, вугорская, чэшская ды іўрыт", – напісаў Тарас Мельнічук.

У дзейным законе аб ратыфікацыі Хартыі ёсць таксама расейская мова, але цяпер яе, здаецца, не будзе. Раней паведамлялася, што з тэксту закону мае знікнуць і беларуская мова.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]