ISW: Пуцін адпрэчыў ідэю мірнага плана каманды Трампа

Дыктатар РФ не пагадзіўся з ключавой прапановай.

Кіраўнік Расеі Уладзімір Пуцін адпрэчыў прапанову, якую распрацоўвае каманда абранага прэзідэнта ЗША Дональда Трампа, наконт міру ва Украіне.

Пра гэта гаворыцца ў справаздачы Інстытута вывучэння вайны (ISW). Адзначаецца, што Пуцін наўпрост адхіліў прапанову каманды Трампа адкласці сяброўства Украіны ў NАТО мінімум на дзесяць гадоў як умову спынення вайны.

26 снежня дыктатар заявіў, што не мае значэння, ці ўступіць Украіна ў NАТО "сёння, заўтра ці праз 10 гадоў", каментуючы гэтую ідэю каманды абранага прэзідэнта ЗША.

“Заява Пуціна ад 26 снежня з'яўляецца часткай серыі каментароў, якія ён зрабіў у апошні час, пацвярджаючы сваю адмову разглядаць кампрамісы наконт яго патрабаванняў на канец 2021 – пачатак 2022 гадоў. Гэтыя патрабаванні ўключаюць прымус Украіны стаць пастаянна нейтральнай дзяржавай, якая ніколі не ўступіць у NАТО, увядзенне жорсткіх абмежаванняў на колькасць украінскага войска і адхіленне ўкраінскай улады”, - адзначылі аналітыкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]