У парламенце Азербайджана выставілі ультыматум Расеі праз збіты самалёт Embraer 190

Дэпутат Меджліса запатрабаваў ад Крамля выбачэнняў і выплаты кампенсацыі.

У парламенце Азербайджана выставілі патрабаванне да Расеі ў сувязі з катастрофай пасажырскага самалёта Embraer 190 авіякампаніі Azerbaijan Airlines, які быў збіты ракетай з расейскай сістэмы СПА над Грозным.

Дэпутат Меджліса Расім Мусабекаў запатрабаваў ад РФ выбачэнняў і папярэдзіў, што ў адваротным выпадку стасункі паміж Баку і Масквой могуць перайсці на іншы ўзровень, піша агенцтва Turan.

Парламентарый пацвердзіў інфармацыю СМІ, што самалёт быў збіты расейскай ракетай у небе над Грозным.

Ён звярнуў увагу, што ў Расеі чыняцца пэўныя дзеянні ў медыя, накіраваныя на тое, каб схаваць дачыненне расейскай СПА да катастрофы лайнера.

Са слоў парламентарыя, расейскі бок павінен прынесці прабачэнні Баку, выплаціць кампенсацыю і прыцягнуць вінаватых да крымінальнай адказнасці.

Ён нагадаў: падчас баявых дзеянняў у Карабаху ў 2020 годзе азербайджанскі бок прынёс прабачэнні РФ і выплаціў кампенсацыю за збіццё расейскага гелікаптэра.

Парламентарый указаў, што РФ падчас працы СПА павінна была закрыць аэрапорт у Грозным і паведаміць пра гэта авіякампаніі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]