Албанская апазіцыя блакавала рух у Тыране

Пратэстоўцы патрабавалі адстаўкі ўраду.

Сябры галоўнай апазіцыйнай партыі Албаніі ў панядзелак заблакавалі галоўныя скрыжаванні сталіцы Тыраны, заклікаючы да стварэння тэхнакратычнага часовага кабінета напярэдадні парламенцкіх выбараў у наступным годзе.

Пра гэта паведаміла агенцтва АР.

Падчас першага мітынгу пасля вызвалення свайго лідара з-пад хатняга арышту актывісты, звязаныя з правацэнтрысцкай Дэмакратычнай партыяй, нягледзячы на холад і дождж, заблакавалі рух на пяці галоўных скрыжаваннях Тыраны.

Пратэстоўцы абвінавачваюць левы ўрад прэм'ер-міністра Эдзі Рамы ў карупцыі, маніпуляванні выбарамі і ўзурпацыі судовай улады.

Сотні паліцыянтаў былі разгорнутыя для абароны ўрадавых будынкаў і забеспячэння вольнага руху на вуліцах Тыраны. Праз 90 хвілінаў улады пачалі адціскаць пратэстоўцаў ад скрыжаванняў, што павысіла напружанне і прывяло да некаторых сутыкненняў.

Лідар Дэмакратычнай партыі, 80-гадовы Салі Берыша, быў вызвалены ў мінулым месяцы з-пад хатняга арышту, накладзенага пасля таго, як ён парушыў пастанову суда. Берышу абвінавачваюць у карупцыі.

Раней сёлета Дэмакратычная партыя і яе прыхільнікі з апазіцыйнай кааліцыі правялі акцыі пратэсту супраць арыштаў Берышы і былога прэзідэнта Іліра Меты паводле асобных справаў аб карупцыі, заявіўшы, што абвінавачанні з'яўляюцца палітычна матываванымі.

Злучаныя Штаты і Еўрапейскі Звяз заклікалі апазіцыю аднавіць дыялог з урадам, заявіўшы, што гвалт не дапаможа краіне інтэгравацца ў ЕЗ.

Парламенцкія выбары ў Албаніі адбудуцца 11 траўня, калі выбарнікі, якія жывуць за мяжой, упершыню змогуць прагаласаваць з-за мяжы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]