The Hill: Пуцін ужо пацярпеў паразу ў вайне

Тэрмін ягонага палітычнага жыцця можа быць значна карацейшым, чым многія чакаюць.

Расея нагадвае Савецкі Саюз 1970-х, заявіў журналіст Фарыд Закарыя. Сёння эксперты і аналітыкі ва ўсім свеце сцвярджаюць, што пасля падзення рэжыму Башара аль-Асада ў Сірыі расейскі дыктатар Уладзімір Пуцін знаходзіцца ва «ўразлівым стане». Напрыклад, прафесар паліталогіі Аляксандр Дж. Мотыль у матэрыяле для The Hill адзначыў, што расейская эканоміка становіцца ўсё слабейшай і больш дэфармаванай праз вайну.

«Падумайце пра гэта: калі б Расея перамагала ва Украіне, стаў бы Пуцін пагражаць ужываннем ядзернай зброі?» – пытаецца эксперт, дадаючы, што пуцінская Расея неўнікнёна распадзецца. Не факт, што адразу, але гэта адбудзецца.

Паводле словаў эксперта, які працытаваў ветэрана расейскай навукі Фрэдэрыка Стара, дыктатар Пуцін ужо пацярпеў паразу ў вайне, «і пытанне толькі ў тым, якія захады для выратавання асобы могуць быць ужытыя ў рамках урэгулявання». Тэрмін палітычнага жыцця прэзідэнта РФ можа быць значна карацейшым, чым многія чакаюць, бо ён слабы. А пасля ягонага сыходу Расеі спатрэбяцца дзесяцігоддзі, каб вярнуць «страчанае» – рэгіянальную «звышдзяржаўнасць» і здаровую эканоміку.

Мотыль згадаў і пра тое, што Пуціну ўжо 72 гады. Ягоны ўзрост разам з сумневамі наконт стану здароўя не дапамагаюць дыктатару.

«Ён усё больш схільны ставіць уласнае палітычнае (і фізічнае) выжыванне вышэй за патрэбы краіны. Таму дэградацыя, гібель і магчымы распад Расеі неўнікнёныя датуль, пакуль Пуцін застаецца за стырном свайго карабля, які тоне», – заяўляе эксперт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]