Калядная ялінка ў Кракаве названая самай прыгожай у свеце

Усяго ў рэйтынг увайшлі 11 ялінак.

Калядная ялінка на галоўнай плошчы Кракава заняла першае месца ў рэйтынгу самых прыгожых ялінак свету паводле версіі брытанскага партала timeout. Усяго ў рэйтынг увайшлі 11 ялінак.

У гэтым годзе ў Кракаве галоўнай тэмай калядных упрыгажэнняў паводле традыцыі сталі матывы з вавельскіх габеленаў эпохі Адраджэння. Гэтая калекцыя, створаная на замову караля Жыгімонта II Аўгуста, гэта найбуйнейшая калекцыю такога кшталту ў Еўропе. У розных частках горада можна ўбачыць аленяў, вярблюдаў, жырафаў і райскіх птушак.

Аўтары рэйтынгу назвалі кракаўскую ялінку "вянком" гэтага падыходу да ўпрыгожвання горада. На ёй вісяць 26 тысяч энэргазберагальных лямпачак, штучныя ледзяшы і больш за тысячу бліскучых ялінкавых шароў з вавельскім арнаментам.

Другое месца ў рэйтынгу заняла самая вялікая калядная ялінка ў свеце. Яна размешчаная ў горадзе Губіё ў цэнтральнай Італіі. Яліка - гіганцкая светлавая інсталяцыя, размешчаная на схіле ўзгорка Монтэ-Інгіна.

Трэцяе месца дасталася ялінцы, размешчанай у Нью-Ёрку.

Спіс самых прыгожых ялінак свету:

- Кракаў, Польшча

- Губіё, Італія

- Ракфелер-цэнтр, Нью-Ёрк

- Вільня, Літва

- Лагуна Радрыга дэ Фрэйтас, Рыа-дэ-Жанейра

- Капіталійскі ўзгорак, Вашынгтон, акруга Калумбія

- Сокала, Мехіка

- Пуэрта дэль Соль, Мадрыд

- Страсбург, Францыя

- Трафальгарская плошча, Лондан

- Чырвоная плошча, Масква.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]