У Архангельску згарэў офіс «Адзінай Расеі»

Памяшканне маглі падпаліць.

У Архангельску ў ноч на 24 снежня здарыўся пажар у офісе «Адзінай Расеі». Аб гэтым паведамілі ў рэгіянальным аддзяленні партыі. Інфармацыю пацвердзілі ў МНС, паведамляе «Север.Реалии».

У партыі заявілі, што падчас пажару ніхто з жыльцоў дома, дзе знаходзіцца офіс, не пацярпеў. Пажарныя хутка справіліся з агнём.

Са звестак МНС, офіс загарэўся а трэцяй гадзіны ночы. У выніку пашкоджаная мэбля, закураныя сцены, столь і калідор.

Архангельскі актывіст «Адзінай Расеі» Уладзіслаў Жгулёў напісаў на сваёй старонцы ва «ВКонтакте», што офіс падпалілі. Паводле ягоных слоў, у памяшканне кінулі бутэльку з запальнай сумессю. На допіс актывіста звярнулі ўвагу 29.ру.

Са слоў Жгулёва, у выніку пажару згарэла частка «гуманітарнай дапамогі», якую партыя рыхтавала для адпраўкі ў зону баявых дзеянняў ва Украіне.

Афіцыйна інфармацыю аб кінутай запальнай сумесі не паведамляюць ні ў паліцыі, ні ў МНС.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]