Ці могуць школы ў Беларусі збіраць звесткі аб планах дзяцей на вакацыях?

Выявілася, што не ўсё так проста.

Школы не маюць права збіраць звесткі аб планах вучняў на канікулах. Запаўненне такіх анкет некаторы час практыкавалася ў школах пасля 2020 года. Аднак, як выявілася, гэта не зусім законна, піша «Наша Ніва».

Нацыянальны цэнтр абароны персанальных звестак прапрацаваў гэтае пытанне з Мінадукацыі. У цэнтры заявілі, што школы не могуць збіраць анкеты, якія змяшчаюць інфармацыю аб месцы знаходжання вучняў у перыяд вакацый, уключаючы прозвішча, імя, імя па бацьку, ступень сваяцтва і кантактныя звесткі асоб, з якімі дзіця знаходзіцца падчас канікулаў.

Збіраць такую інфармацыю школа можа толькі ў асобных выпадках, якія прапісаныя ў законе. Напрыклад, пры наяўнасці ў дзіцяці статусу знаходжання ў сацыяльна небяспечным становішчы.

Пры гэтым не ўдакладняецца, ці могуць школы збіраць звесткі аб тым, як дзеці правялі канікулы, гэта значыць, ужо постфактум.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]