У Рыльску HIMARS распляжыў штаб 155-й брыгады марской пяхоты РФ

З’явілася відэа першых хвілін пасля ўдару.

20 снежня Сілам абароны Украіны ўдалося паспяхова пацэліць у штаб 155-й брыгады марской пяхоты УС Расеі. Яго расейскія вайскоўцы абсталявалі ў будынку мясцовага педагагічнага каледжа.

Пра гэта паведаміў вядомы ўкраінскі журналіст, ваенкар Юры Бутусаў у Telegram.

Ён апублікаваў відэа, знятае ля каледжа адразу пасля ўдару. Размовы за кадрам не пакідаюць сумненняў: атакаваны менавіта вайсковы аб'ект.

Месца ў момант было ачэпленае вялікай колькасцю расейскіх салдат, блізка нікога не падпускалі.

Бутусаў сцвярджае, што ўдар прыпаў менавіта па штабе 155-й брыгады марской пяхоты УС Расеі. Яна бярэ самы актыўны ўдзел у агрэсіі супраць Украіны і паспела вызначыцца вялікай колькасцю ваенных злачынстваў, у тым ліку пакараннямі палонных.

Вось што аб гэтым падраздзяленні піша расейскі вайсковы эксперт Ян Мацвееў: «За час вайны 155-я брыгада стала літаральна сінонімам слова разгром. Знішчаная пад Вуглядарам, зараз яна нясе вялізныя страты ў Курскай вобласці».

Вядома, што ўдар быў нанесены набоямі GMLRS з устаноўкі HIMARS.

«Як звычайна, «другое войска свету» бязлітасна прыкрываецца мясцовымі жыхарамі...Украінская атака была дакладнай, і быў атакаваны важны аб'ект, дзе знаходзіліся выключна расейскія вайскоўцы», - адзначыў Бутусаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]