ФІФА назвала найлепшага футбаліста 2024 года

Ім стаў гулец «Рэала».

Бразільскі нападнік мадрыдскага «Рэала» Вінісіус Жуніёр стаў лаўрэатам прэміі The FIFA Best найлепшаму футбалісту года.

Цырымонія ўручэння ўзнагародаў прайшла ў горадзе Доха.

У спісе прэтэндэнтаў было шэсць гульцоў, якія выступалі ў мінулым і цяперашнім сезонах за «Рэал»: Вінісіус, гішпанец Даніэль Карвахаль, уругваец Федэрыка Вальвердэ, ангелец Джуд Белінгем, француз Кіліян Мбаппе (у мінулым сезоне выступаў за французскі ПСЖу) і нарэшце Тоні Кроас.

Акрамя іх намінавалі гішпанца Родры, нарвежца Эрлінга Холанда (абодва – «Манчэстэр Сіці»), немца Фларыяна Вірца («Баер»), гішпанца Ламіна Ямаля («Барселона»), а таксама аргенцінца Ліянэля Мэсі («Інтэр Маямі»), які атрымаў дзве апошнія ўзнагароды (усяго – тры).

У мінулым сезоне Вінісіус перамог у Лізе чэмпіёнаў, дзе быў прызнаў найлепшым гульцом турніру, а таксама чэмпіянат Гішпаніі і Суперкубак краіны.

Уладальнікам «Залатога мяча» 2024 года, які ўручаецца часопісам France Football найлепшаму футбалісту, стаў Родры.

Прыз ФІФА найлепшаму галкіперу другі раз за апошнія тры гады атрымаў аргенцінец Эміліяна Марцінес з «Астан Вілы». Сярод намінантаў быў украінец Андрэй Лунін з мадрыдскага «Рэала». Трэнерам года прызналі італьянскага настаўніка «Рэала» Карла Анчалоці.

Сімвалічная каманда года выглядае наступным чынам:

брамнік – Эміліяна Марціне (Аргенціна, «Астан Віла»);

абаронцы – Даніэль Карвахаль (Гішпанія, «Рэал»), Антоніа Рудыгер (Нямеччына, «Рэал»), Рубен Дыяш (Партугалія, «Манчэстэр Сіці»), Вільям Саліба (Францыя, «Арсенал»);

паўабаронцы – Джуд Белінгем (Англія, «Рэал»), Родры (Гішпанія, «Манчэстэр Сіці»), Тоні Кроас (Нямеччына, «Рэал»);

нападнікі – Ламін Ямаль (Гішпанія, «Барселона»), Эрлінг Холанд (Нарвегія, «Манчэстэр Сіці»), Вінісіус Жуніёр (Бразілія, «Рэал»).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]