У Менскім раёне забаранілі выходзіць на лёд

Для ведання рыбакам.

Адпаведнае распараджэнне даў Менскі райвыканкам, піша газета «Прысталiчча».

Паводле інфармацыі МНС, забарона выходзіць на лёд на вадаёмах дзейнічае, калі таўшчыня лёду складае менш за 7 см, а таксама ў перыяд «інтэнсіўнага раставання і разбурэння лёду».

Каб унікнуць няшчасных выпадкаў, ТВВОД разам з МНС і БРСМ будуць праводзіць супольныя рэйды на вадаёмах Менскага раёна.

Нагадаем рыбакам і ахвотным скараціць дарогу да патрэбнага месца «напрамкі» па лёдзе, што трэба ведаць і якімі правіламі кіравацца пры выхадзе на лёд:

за бяспечны для чалавека ўважаецца лёд таўшчынёй не меншай за 7 см;

трываласць лёду аслабленая ў вусцях і прытоках рэк, месцах хуткай плыні, крыніцаў, сцёкавых водаў, раёнах вырастання воднай расліннасці, дрэваў, кустоў і чароту;

пры тэмпературы вышэйшай за 0ºС больш за тры дні трываласць лёду памяншаецца на 25%;

трываласць лёду можна вызначыць візуальна: лёд блакітнага колеру – трывалы, трываласць белага ў 2 разы меншая, шэры, матава-белы або з жаўтлявым адценнем лёд ненадзейны;

апранаць выратавальную камізэльку трэба абавязкова.

Калі ўсё ж вы патрапілі на лёд і зразумелі, што ён занадта тонкі, вяртайцеся па сваім следзе да берагу. Размяркуйце нагрузку цела на як мага большую плошчу. Ідзіце не спяшаючыся, слізгальнымі крокамі, не адрываючы ног ад лёду.

У выпадку, калі вы праваліліся ў ваду, старайцеся не панікаваць і не рабіць рэзкіх рухаў. «Не абломвайце беражок. Калі дастаяце нагамі да процілеглага краю правалу, прыміце гарызантальнае становішча, упіраючыся ў яго нагамі, выцягнеце на лёд спачатку адну нагу, потым другую», – нагадваюць ратавальнікі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]