«Замест ШІ змагаемся за бульбу!»

Як улады саступілі ў бітве за галоўны беларускі прадукт.

Урад Беларусі ўвёў на тры месяцы ліцэнзаванне на вываз бульбы за межы краіны. «Гэта што, выходзіць, у нашай «квітучай» краіне ўжо і бульбы не стае?» - задаецца пытаннем чытачка сайта Charter97.org:

- А як жа шматлікія выхвалянні наконт таго, што маем урадлівыя глебы ды іншыя спрыяльныя варункі для вырошчвання? Што мы загацім усю Еўропу бульбай і навучым свет, як вырошчваць і гатаваць бульбу. Тут жа згадаліся кніжкі пра тысячы страў з бульбы. І тут вось табе і маеш.

У краіне няма бульбы! Мусіць, усю перапрацавалі на гарэліцу «Бульбаш». Вось мне толькі ў галаву не лезе, як у мяне з адной соткі вырасла 6 мяхоў. А ў «самага дасведчанага гаспадара краіны» зноў няўрод.

Вось дзе ўжо недалуга: за яйкі браўся — малако знікала, за малако браўся – яйкі знікалі. А пойдзеш у краму купіць бульбачкі, дык ажно за два рублі, і тая то гнілая, то малая, то неядомая. А як у нашым мястэчку базар пойдзеш, то бульбы — якой хочаш.

Ну і трэба ж яшчэ слова моднае прыцягнуць — ліцэнзаванне, нібыта нанатэхналогіі ладзяцца прадаваць або нейкія распрацоўкі ў свеце медыцыны. Пакуль свет займаецца ўдасканаленнем штучнага інтэлекту, мы змагаемся за прысутнасць бульбы на нашых сталах.

Ура, таварышы, ура!

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]