Прэзідэнт Аргенціны атрымае італьянскае грамадзянства

Аргентынскі лідар мае права на яго праз паходжанне.

Італія мае намер даць грамадзянства прэзідэнту Аргенціны Хаўеру Мілею, вядомаму сваімі лібертарыянскімі поглядамі і сяброўскімі стасункамі з прэм'еркай краіны Джорджыяй Мелані.

Пра гэта піша Il Post.

Італьянскае грамадзянства Мілей павінен атрымаць увечары ў пятніцу, 13 снежня, у рамках свайго візіту ў Італію.

Аргентынскі лідар мае права на яго праз паходжанне: бабуля і дзядуля Мілея мігравалі ў Аргентыну з Калабрыі ў пачатку ХХ стагоддзя, і ён часта згадваў пра гэты факт у публічных выступах.

Гэтую інфармацыю, паводле звестак СМІ, атрымалася пацвердзіць дакументальна. Мілей, да таго ж, мае добрыя стасункі з прэм'ер-міністаркай Італіі Джорджыяй Мелані, не ў апошнюю чаргу праз ідэалагічную блізкасць.

Як піша Il Post, для Мелані гэтая пастанова таксама з'яўляецца дыпламатычным крокам, накіраваным на ўмацаванне сувязяў з Аргенцінай і пошукам новых рынкаў збыту тавараў – на фоне магчымых тарыфаў ЗША пасля прыходу да ўлады Дональда Трампа.

Італьянскае грамадзянства таксама атрымае малодшая сястра Мілея Карына, якая працуе ягонай галоўнай палітычнай дарадцай.

Хаўер Мілей не будзе першым прэзідэнтам Аргенціны з падвойным грамадзянствам. Маўрысіа Макры, які займаў гэтую пасаду з 2015 да 2019 года, таксама мае італьянскі пашпарт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]