Польшча падчас старшынства ў ЕЗ будзе дабівацца ўзмацнення санкцый у дачыненні да рэжыму Лукашэнкі

Пра гэта заявіў кіраўнік МЗС Польшчы.

Польшча падчас свайго старшынства ў Еўрапейскім Звязе ў першай палове 2025 года будзе прытрымлівацца паслядоўнай палітыкі ў дачыненні да Беларусі і Расеі, у тым ліку дабівацца ўзмацнення санкцый і супрацьдзейнічаць іх абыходу. Пра гэта заявіў міністр замежных справаў Польшчы Радаслаў Сікорскі, прадстаўляючы прыярытэты польскага старшынства ў сферы знешняй палітыкі.

«Дэвізам нашага старшынства з'яўляецца бяспека Еўропы. З гэтай прычыны праца старшынства будзе засяроджаная на максімальнай падтрымцы Украіны, захаванні цяперашняй палітыкі ў дачыненні да Расеі і Беларусі, а таксама ўмацаванні бяспекі і ўстойлівасці Еўразвязу», – заявіў ён.

«Мэтай старшынства стане ўзмацненне санкцый Еўразвязу супраць агрэсараў Расеі і Беларусі і барацьба з іх абыходам», – дадаў міністр.

Сікорскі анансаваў правядзенне 25 лютага канферэнцыі, прысвечанай санкцыйнай палітыцы.

«Польскае старшынство будзе імкнуцца да таго, каб Расея сутыкнулася з наступствамі сваёй агрэсіі, як юрыдычнымі, так і фінансавымі. Будзем імкнуцца заручыцца падтрымкай дзяржаў-чальцоў для поўнага выкарыстання замарожаных актываў Цэнтральнага банка Расеі для падтрымкі Украіны», – сказаў ён.

Паводле словаў польскага міністра, Польшча таксама будзе дамагацца, каб Еўразвяз не вяртаўся да супрацоўніцтва з РФ і Беларуссю да заканчэння агрэсіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]