Літоўскія паляўнічыя і рыбакі абвясцілі ўнікальную акцыю перад святамі
3- 13.12.2024, 17:18
- 2,164
Маламаёмасным падораць дзічыну і рыбу.
Літоўскія паляўнічыя і рыбакі бязвыплатна перададуць маламаёмасным дзічыну і рыбу. Паводле словаў дырэктара Літоўскага таварыства паляўнічых і рыбакоў Лайманаса Даўкшы, гэта першы выпадак у гісторыі краіны, калі паляўнічыя і рыбакі правядуць падобную акцыю, піша DELFI са спасылкай на партал madeinvilnius.lt.
«Асобныя ініцыятывы былі не раз, але адзіную акцыю ў маштабах усёй краіны да гэтага часу не праводзілі. Гэта першы раз, калі па дапамогу могуць звярнуцца ўсе, хто мае патрэбу з любога рэгіёну Літвы. Для гэтага мы аб'ядналі ўсіх паляўнічых і рыбакоў, яны падораць мяса і рыбу тым, хто мае ў гэтым патрэбу», – сказаў ён.
«Паляўнічыя і рыбакі хочуць падзяліцца сваёй здабычай і парадаваць тых, у каго вялікія святы могуць быць больш сумнымі. Гэта не проста дзічына, гэта акт чалавечнасці і дабрыні, які парадуе тых, хто мае патрэбу. Давайце разам падорым дзічыну / рыбу і клопат тым, у каго няма дастатку, бо Каляды – час, калі ўсе мы можам зрабіць свет крыху лепшым», – сказаў Даўкша.
Паводле ягоных словаў, па падарункі ахвотныя могуць звярнуцца ў раённыя аддзяленні таварыства (кантакты на www.lmzd.lt) або ў групе сацыяльных сетак Medžiotojaidalinasi. Дзічыну і рыбу даставяць або ў раённыя аддзяленні або на дом. Даўкша сказаў, што акцыя прадоўжыцца да канца года. Паводле звестак апошняга апытання Baltijos tyrimаi, у лістападзе 2024 года ў Літве 15% жыхароў сказалі, што ім не стае грошай на тавары першай неабходнасці (ежу і адзенне). У ліку маламаёмасных (прыбыткі на сям'ю да 1200 еўра на месяц) такіх было 36%, у ліку людзей, старэйшых за 50 гадоў – 22%.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
