The Telegraph: Крэмль саступіў праз вялікую памылку

Найміты ўзбунтаваліся.

27 лістапада сірыйскія паўстанцы пачалі наступ супраць рэжыму Башара Асада ў Сірыі. Ён закончыўся 8 снежня захопам Дамаска і зрынаннем рэжыму. Гэтая падзея выявіла слабасць сірыйскага войска: авіяцыя рэжыму пацярпела паразу, а наземныя сілы фактычна рассыпаліся, піша The Telegraph.

Імклівы наступ апазіцыі таксама падкрэсліла недаацэненыя праблемы Расеі. Хоць расейскія войскі падтрымлівалі рэжым Асада, яны не ўмешваліся актыўна, калі апазіцыя захоплівала гарады адзін за адным.

Для дыктатара РФ Уладзіміра Пуціна гэта не быў выбар - ён спадзяваўся на Групу "Вагнера", прыватную вайсковую кампанію, якая стала галоўнай наземнай сілай Масквы ў Сірыі.

Аднак залежнасць ад наймітаў выракла як групу, так і сірыйскі рэжым.

Гэта ўрок для ўсіх урадаў: найміты не з'яўляюцца надзейным інструментам дзяржаўнай палітыкі. Група «Вагнера», створаная ў 2014 годзе Яўгенам Прыгожыным, стала вядомая пасля анэксіі Крыма і інтэрвенцыі ў Сірыі. Яе нерэгулярныя сілы дазвалялі Маскве пазбягаць прамой адказнасці за дзеянні.

Але матываваныя даходамі, вагнераўцы за выратаванне рэжыму Асада патрабавалі дзель нафтавых даходаў Сірыі. Гэта ўмацавала ўладальніка ПВК Яўгена Прыгожына, але пасеяла ўнутраныя канфлікты.

У 2023 годзе, калі вайна Расні ва Украіне абвастрылася, група «Вагнера» прыняла ўдзел у баях. Найміты атрымалі піравую перамогу ў Бахмуце, але гэта прывяло да вялікіх страт і незадаволенасці. У чэрвені 2023 года найміты ўзбунтаваліся, занялі Растоў-на-Доне і рушылі ў Маскву. Пуцін даў ім амністыю, але неўзабаве Прыгожын загінуў у авіякатастрофе, што фактычна ліквідавала групу.

Калі рэжым Асада зноў апынуўся пад пагрозай, а расейскае войска загразла ва Украіне, камерцыйныя сілы ўмяшання Масквы знаходзіліся ў стане раскідання. Урэшце, кожная дзяржава, якая спадзяецца на наймітаў, як гэта рабіла Расея паміж 2014 і 2023 гадамі, рызыкуе пацярпець фіяска.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]