ЗША дадуць Украіне чатыры пакеты эканамічнай дапамогі

Іх агульны кошт складае сотні мільёнаў даляраў.

Злучаныя Штаты дадуць Украіне прынамсі чатыры пакеты эканамічнай дапамогі. Іх агульны сумарны кошт складае сотні мільёнаў даляраў.

Пра гэта заявіў намеснік дзяржсакратара ЗША ў пытаннях кіравання і рэсурсаў Рычард Верма, паведамляе «Укрінфарм».

Падчас выступу ў Цэнтры стратэгічных і міжнародных даследаванняў у Вашынгтоне, Верма анансаваў кожны з чатырох пакетаў.

«Адміністрацыя Байдэна прызнае, што сельская гаспадарка была і будзе заставацца адным з апорных сектараў украінскай эканомікі», - заявіў Верма.

ЗША выдадуць дадатковыя 74,7 мільёна даляраў для падтрымкі экспартаарыентаванай сельскай гаспадаркі, каб украінскія фермеры і перапрацоўшчыкі маглі больш актыўна ўдзельнічаць у аднаўленні эканомікі краіны.

Акрамя таго, Злучаныя Штаты дадуць больш за 223 мільёны даляраў "для аднаўлення транспарту, інфраструктуры і лагістыкі". Са слоў прадстаўніка Дзярждэпартамента, гэта трэба для таго, каб ва Украіне працавалі парты, чыгунка і іншыя камунікацыі.

У той жа час ЗША накіруюць 35 мільёнаў даляраў у Траставы фонд аднаўлення Украіны, каб падтрымаць стварэнне ўнутранага фонду падрыхтоўкі праектаў урада Украіны, які распрацаваны супольна з Сусветным банкам. Як адзначыў Верма, гэтыя меры накіраваныя на забеспячэнне больш эфектыўнага працэсу аднаўлення праз супрацоўніцтва дзяржаўнага і прыватнага сектараў.

Таксама намеснік дзяржсакратара ЗША анансаваў выдачу больш як 105 мільёнаў даляраў на падрыхтоўку і навучанне ўкраінцаў, якія будуць прыцягнутыя да новых працоўных месцаў, створаных у рамках працэсу аднаўлення і вытворчасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]