ЗША вылучылі Украіне крэдыт на $ 20 млрд

Яго выплацяць за кошт прыбыткаў ад замарожаных расейскіх актываў.

Міністэрства фінансаў ЗША абвесціла пра вылучэнне для Украіны крэдыту на 20 млрд даляраў. Яго патушаць за кошт прыбыткаў ад замарожаных расейскіх актываў.

Пра гэта паведамляе прэс-служба Мінфіна ЗША.

Як адзначыла міністарка фінансаў ЗША Джанэт Елен, 20 млрд даляраў ад ЗША забяспечаць для Украіны крытычна важную дапамогу.

«50 мільярдаў даляраў, якія “Вялікая сямёрка” калектыўна вылучае ў рамках гэтай ініцыятывы, дапамогуць забяспечыць Украіну рэсурсамі, неабходнымі для падтрымання службаў экстраннай дапамогі, лякарняў і іншых асноваў яе мужнага супраціву», – дадала яна.

У той самы час у Мінфіне ЗША растлумачылі, што сёння ЗША выканалі сваё абавязальніцтва на 20 млрд даляраў для Украіны, «пералічыўшы гэтыя сродкі ў Фонд фінансавага пасярэдніцтва ў спрыянні прываблівання рэсурсаў для інвеставання ва ўмацаванне Украіны (F.O.R.T.I.S. Ukraine FIF)». Праз такі фонд сродкі ўжо будуць вылучаныя Украіне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]