Пад Віцебскам выратавалі з ямы двух маленькіх шчанюкоў

Відэа.

Супрацоўнікі МНС выратавалі шчанюкоў, якія апынуліся ў яме ў вёсцы Косава пад Віцебскам і прасядзелі там суткі. Давялося капаць, паведамілі ва ўстанове.

Жыхарка вёскі Косава Віцебскага раёна 10 снежня паведаміла ў МНС, што недалёка ад яе дома ў яму праваліліся два шчанюкі. Жанчына не змагла дастаць іх сама.

«Прыбыўшы на месца і ацаніўшы абстаноўку, супрацоўнікі МНС знялі верхні пласт зямлі і дасталі шчанюкоў», – расказалі ва ўстанове.

Шчанюкі былі вельмі напалоханыя – паводле словаў мясцовай жыхаркі, яны правялі ў яме блізу сутак. Жанчына забрала выратаваных жывёлінаў да сябе.

Як узнікла глыбокая вузкая яма і як там апынуліся два шчанюкі, не паведамляецца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]