Зяленскі: Яшчэ 10–12 Patriot зробяць вайну бессэнсоўнай для Пуціна

Ён заклікаў прафінансаваць Patriot для Украіны за кошт расейскіх актываў.

Прэзідэнт Украіны Уладзімір Зяленскі заявіў, што Украіна мае патрэбу ў яшчэ 10/12 сістэмах супрацьпаветранай абароны Patriot для поўнай абароны паветранай прасторы.

Пра гэта ён сказаў падчас сустрэчы са старшынёй групы сацыялістаў і дэмакратаў Еўрапарламента Іратхе Перэс Гарсія ў Кіеве, піша «Укрінфарм».

Кіраўнік дзяржавы падкрэсліў, што для захавання жыцця ўкраінцаў галоўнай гарантыяй бяспекі з'яўляюцца, «безумоўна, сістэмы супрацьпаветранай абароны».

«Усе разумеюць, што 10/12 сістэмаў Patriot дадаткова для Украіны забяспечаць нам жыццё і зробяць вайну для Пуціна бессэнсоўнай», – расказаў Зяленскі.

«Калі неба абароненае, ніякія КАБы (кіраваныя авіябомбы. – Рэд.), балістычныя ракеты не будуць трапляць па цывільнай інфраструктуры Украіны – па лякарнях, школах, універсітэтах», – дадаў ён.

Прэзідэнт заклікаў прафінансаваць Patriot для Украіны за кошт расейскіх актываў.

«Я сапраўды часам не разумею: паўтара мільярда каштуе адна сістэма. Калі ласка, вазьміце гэтыя грошы з расейскіх актываў. Гэта будзе каштаваць 30 мільярдаў, але гэта зможа поўнасцю, канчаткова закрыць наша неба. І ўсё», – растлумачыў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]