Менчукам, якім не падабаюцца кошты таксі, параілі ездзіць на метро

Параду дала першая намесніца старшыні Менгарвыканкама.

Менчукам, незадаволеным ростам коштаў таксі, далі параду сталічныя ўлады.

Яе агучыла першая намесніца старшыні Менгарвыканкама Надзея Лазарэвіч у эфіры СТВ.

«Калі вы не згодныя з коштаўтварэннем таксі, для вас дорага, то паслухайце – у нас ёсць наземны транспарт, падземны транспарт, цалкам лагістычныя шляхі выбудаваныя ў Менску, маршруткі, таму права выбару для чалавека ёсць», – заявіла чыноўніца.

Яна таксама дадала, што «не ўсё сышлося на таксі», і расказала, што ў сталіцы «ўся праца мясцовых органаў улады цяпер накіраваная на тое, каб людзі маглі дабрацца і на звычайным транспарце».

«Мы будуем новыя прыпынкі, станцыі метрапалітэну. <…> Так, зручней, можа быць, на таксі, хутчэй у нейкай ступені. Але калі ўсё ж такі ёсць такое вялікае пытанне з коштам, якое мы тут актыўна абмяркоўвалі, ёсць права выбару», – упэўненая Надзея Лазаравіч.

Адзначым, што пасля ўвядзення новых правілаў, напрыклад абавязковага ўключэння ў Рэестр аўтамабільных перавозак пасажыраў у нерэгулярных зносінах, у пачатку лістапада з лініі сышло вельмі шмат кіроўцаў і машынаў.

Для таго каб мець магчымасць працаваць, таксісты павінны былі абсталяваць аўто, прайсці навучанне, на што ім давялося выдаткаваць прыкладна Br1,5 тыс.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]